Palestras, música, cabaré, conta-contos… nas I Jornadas GALIZAleak em Bilbo

11201412_10153332420559525_755904324_o (1)

Há uns meses, no decurso de um jantar no bairro de Masustegi, um grupúsculo de galegos/as (de nascença e de querença, pois tanto faz; os galegos nascemos onde queremos!) dérom os primeiros passos para criarem umha associaçom cujo nome já tinha sido sonhado tempo atrás por um deles: GALIZAleak. Como explica um dos seus fundadores, Paulo Padin, na entrevista que lhe realizárom os amigos do programa Tropa de Breoghan (e que podeis escuitar aqui mesmo), o propósito com que surgiu esta associaçom é bem simples (ou se calhar nem tanto…): contribuir para que as boas gentes de Euskal Herria tenham umha visom da Galiza, da sua cultura e das suas gentes afastada dos tópicos habituais sobre o nosso país. Porque a Galiza é muito mais do que mariscadas, cabaços e peregrinos, com certeza. E é bom que se saiba!

Mesmo tratando-se de umha associaçom jovem, GALIZAleak nom deixa de crescer, e cada vez consegue envolver mais gente nos seus projetos. Sem dúvida, o mais ambicioso até o de agora som as I Jornadas GALIZAleak / Galizako Jardunaldiak, que decorrerám em Bilbo a 29 e 30 de maio próximos. E dizemos “ambicioso” nom apenas pola quantidade e diversidade de atividades programadas para esses dous dias (com música, palestras e comida do país), mas também pola presença de colaboradores de luxo como Txerra Rodríguez, Séchu Sende ou Garcia MC, entre outros/as.

Eis o programa completo do evento:

Sexta-feira (venres), 29 de maio

– 12:00 h., Kafe Antzokia. Hitzaldia / Conferência: Hizkuntz(ar)en bidezidorretan (Nos atalhos da(s) língua(s)), com Séchu Sende e Txerra Rodríguez.

– 19:00 h., Zirika Herri Gunea. Hitzaldia / Conferência: Los procesos represivos en Galiza, ministrada por um militante de CEIVAR (Organismo Popular Anti-repressivo).

– 20:30 h. Kalejira (saída desde Zirkia Herri Gunea).

– 21:30 h. 7Katu. Kontzertua / Concerto: IndarRAP (Gasteiz) e Garcia MC (Galiza).

 Sábado, 30 de maio

– 12:00 h., Zirika Herri Gunea. Ipuin kontalariak / Conta-contos: Contos de animalario, com a Compañía Daboapipa.

– 13:00 h., Zirika Herri Gunea. Hitzaldia / Conferência: Outras experiências na emigração galega, ministrada por Anxo Baranga (LudoteGa) e Sílvia Pons (Asemblea Cultural Galega de Barcelona).

– 14:30 h., Zirika Herri Gunea. Herri bazkaria / Comida popular + Cabaré: Historias de vida, guerra, amor e case morte, com a Compañía Daboapipa. Preço: 7 € (inscriçom prévia no telefone 652 046 070).

Advertisements
Estas entrada foi publicada en ACTIVIDADES coas etiquetas , , . Ligazón permanente.

2 Responses to Palestras, música, cabaré, conta-contos… nas I Jornadas GALIZAleak em Bilbo

  1. Pingback: Galizia eta galegoa hizpide ostiralean Sechu Sende eta Txerra Rodriguezekin | Zenbat Gara

  2. Pingback: IBAIZABAL: Galizako Jardunaldiak, Sarrionandia eta beste hainbat kultura ekitaldi Bilbon egunotan | Bilbo Hiria irratia

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s